اولاً
هل فعلاً انت بحاجة الى لابتوب !؟
سؤال وجيه لازم تسأل نفسك قبل لا تشتري
الكثير بس ماشي على الموضة وشاف العالم اشتروا لاب توب سوا مثلهم

اذا كان استخدامك في البيت اشتر لك مكتبي افضل من حيث الاداء والسعر

اما اذا كنت تستخدمه في الاتصال اللاسلكي بكثرة وتحتاج اليه في العمل فلا مشكلة




ثانياً
ما هي المواصفات والقطع الموجودة بالجهاز !؟

معرفة المواصفات والقطع هي الميزان لمعرفة الجهاز الجيد من الجهاز السيء
ورح نستعرض اهم القطع واسمائها وعملها حتى نعرف نختار الافضل :

1- المعالج
المعالج هو مخ الجهاز واهم قطعة فيه
لذلك لابد ان يكون معالج حديث وسريع
المعالجات الجيدة من الاحدث الى الاقدم :
(Intel)
Core 2 duo
Core duo
Centrino
Celaron << سيء جداً وترتفع حرارته بسرعه

وهي طبعاً سرعات تبدأ من 1.6 الى 2.3 Ghz

وفيه شي اضافي وهو (الكاش)
والحجم القياسي منه 2 ميقابايت والافضل 4 ميقابايت

ايضاً توجد معالجات AMD
والجيد منها AMD Athlon 64 X2
والمعالجات الثنائية النواة عموماً جيدة
اما AMD Sempron << بطيء ما انصح فيه

طبعاً Intel و AMD في منافسه شديدة ومتقاربين في المستوى
لكن العديد من المستخدمين ينصحون بالانتل لانه الافضل..

2- الهاردسك
الهاردسك هو المساحة التخزينية لملفاتك على اللابتوب
وفيه احجام متعددة .. ويقاس بالـ GB = قيقا بايت
الحجم القياسي 160 وكل ما زاد يكون افضل ..

(اللي راعي افلام ومايعرف يحسب المساحة اللي يحتاجها
القيقا الواحد يستوعب 3 ساعات فيديو تقريباً وعليك الحساب

3- الرام
الرام هو اليد اليمين للمعالج ..
لذلك هذه القطعة مهمة جداً ولازم تنتبه لها
الرام احجام ، فيه 1 قيقا بايت وفيه 2 قيقا بايت
وفيه 4 قيقا بايت وهذي اقصى سعة للابتوب حالياً..
( لو كان رام الجهاز قليل تقدر تضيف 2 قيقا بـ 100 ريال تقريباً

4- نظام التشغيل
معروف واما يكون Windows او linux او Mac
واحياناً يباع الجهاز بدون نظام تشغيل (هذي صفة سلبية لان اغلب العروض تتضمن نظام تشغيل اصلي)

سؤال يتردد كثير ، آخذ ويندوز فيستا ولا xp ? الآن المنتشر والجديد Windows vista وهو نظام محترم ورسوماته تفتح النفس
يعيبه ان فيه ثقل بسيط يعني مو مثل انسيابية الـ xp
بس بشكل عام نقدر نقول الفيستا هو الخيار المناسب وفيه عدة اصدارات منه
وكل جهاز مخصص له الاصدار المناسب لمواصفاته

وانتبه اذا نظامك فيستا لابد يكون الرام عندك لايقل عن 1 قيقا
وايضاً من المفضل كرت الشاشة يكون 128 ..

5- كرت الشاشة
كرت الشاشة قطعة خاصة في معالجة بيانات الصور وجودتها
وهو احجام فيه 64 - 128 - 256 - 512
وهي نوعين : كرت مشترك - كرت منفصل


الكرت المشترك يكون مشترك مع المذربورد اللي هي قاعدة الجهاز
وميزاته
توفير البطارية بشكل نسبي + انخفاض سعر اللابتوب عموماً
سلبياته
يسحب من الرام حسب سعته
يعني اذا الكرت 128 والرام 512 = يصير الرام 384
ومايصلح للعب الالعاب الـ 3D او الالعاب القوية ..

اما الكرت المنفصل يكون قطعة منفصلة عن المذربورد وتقنيته اعلى
ميزته
يصلح للمصممين وراعين الالعاب ويعطي وضوح
سلبياته
يرفع سعر الجهاز + يستهلك البطارية اكثر نسبياً ..

6- حجم الشاشة
احجام الشاشة تبدأ من 12 بوصة الى 17 بوصة
القياسي والمنتشر 15 بوصة
اذا انت تبي لابتوب خفيف وسعر مناسب خذ 14 بوصة
(كل ماصغرت الشاشة عن 15 زاد سعر الجهاز وكل ما ارتفعت ايضاً

7- مشغل الاقراص الـ CD & DVDمشغلات الاقراص انواع وافضلها الـ super multi
يعني يقرى وينسخ الـ CD والـ DVD
ومعظم الاجهزة الجديدة حالياً تتوفر بهذي الميزة
8- كماليات الجهاز
البلوتوث Bluetoot
الكاميرا CAM
اغلاق وفتح بالبصمة finger print
كتابة الاسماء والصور بالليزر على الاقراص light scribe




طيب الآن نستعرض موديل محدد كـ مثال حتى نعرف مواصفاته

Toshiba << شركة الجهاز

Satellite A200 - 130 << موديل الجهاز

• Intel Core Duo T2350 1.86 << المعالج

• Windows Vista Home Basic << نظام التشغيل

• 120 GB Hard disk << حجم مساحة التخزين (الهاردسك)

• 1024 MB DDR 2 RAM << حجم الرام

• 15.4” TrueBrite TFT << حجم الشاشة ونوعها

• DVD Super Multi D/L << نوع مشغل الاقراص

• Shared 256 MB << كرت الشاشة وحجمه (shared = مشترك)

• built-in camera << كاميرا مدمجة

• year international warranty << مدة الضمانثالثاً
كيف تشتري الجهاز المناسب لك من مئات الموديلات !؟

الجواب في سطر واحد :( حدد وش استخدامك للجهاز وتعرف الموديل المناسب لك بالضبط )

اذا انت تستخدم العاب او هوايتك التصميم ركز على كروت الشاشة المنفصلة ومعالج سريع
اذا انت تستخدم انترنت وتحميل وبرامج اوفيس ممكن تمشي معك مواصفات قياسية ومتوسطة
اذا انت تستخدم ملتميديا (صوتيات ومرئيات) وتخزين ركز على مساحة الهاردسك وحجم الشاشة
اذا انت تتنقل كثير خذ لك حجم شاشة صغير حتى يكون الجهاز خفيف
وهكذا تضع الموديل اللي في راسك حسب المتطلبات اللي يلبيها لك ..





رابعاً
السؤال الكبير : من اي شركة اشتري أو أي الشركات افضل !؟ كثير من الخبراء واصحاب المحلات تلقاهم يترددون في الاجابة عن هالسؤال لانه في عالم اللابتوب صعب تحكم او تفاضل بالشركات بالجملة !
حتى المواقع العالمية في التقييم ما تقيم بناءاً على الشركة المنتجة
انما على الموديل + المواصفات
هذا المهم فعلاً !!
لانه في وجهة نظري الشركات الآن في منافسة شديدة وما عاد فيه مراكز ومفاضلة كبيرة
Dell - Toshiba - Sony - Asus - Siemens - IBM (think pad) - Acer - HP
كلها شركات قوية وكل وحده فيها لها ميزاتها

خامساً
من وين اشتري ووين القى افضل الاسعار !؟

العديد من الاماكن تبيع الاجهزة
..
ومكتبة جرير عندهم من كل الموديلات والشركات واسعارهم ممتازة
وهناك اوقات لعروضهم فاقتنص العروض

وفيه اماكن ثانيه مثل - اكسترا - Best
وايضاً الهايبر ماركتز مثل جيان - كارفور وغيرهم

افضل طريقة للشراء انك تشوف العروض باكثر من مكان وتقرر الافضل
يعني لاتتحيز لمكان واحد يمكن تلقى احسن منه في مكان ثاني
وحاول تنتبه للعروض الاسبوعية اللي تنزل بعطلة الاسبوع غالباً ..

سادساً
طيب انا ما معي .. اشتري مستمعمل !؟

لاينصح في المستخدم .. خصوصاً اللابتوب
لان البطارية كذا تكون مستهلكة ولا تدري عن استخدام صاحبه الاول
يعني لو ان اللابتوب سعره مثل اول خمسة وستة الآف صح يمكن نشتري مستخدم
لكن الآن ممكن تجيب لك جهاز جديد معقول بـ 2500 ريال اذا كانت ميزانيتك محدودة
اخيراً

# عمر البطارية الافتراضي من سنتين لثلاث - حسب كثافة الاستخدام -

# عمر البطارية في الاستخدام للمره الواحده ساعتين لثلاث - حسب نوع الاستخدام -

# تذكر دائماً ان (مواصفات) الجهاز اهم بكثير من (شركة) الجهاز لانها الاساس

# تأكد دائماً اذا شريت جهاز من ان المواصفات تكون نفس اللي طلبت
( عن طريق ابدأ ---- تشغيل ---- تكتب الامر Dxdiag ورح تظهر لك المواصفات)

# اذا كان فيه رقم او كلمة غريبة في المواصفات ماعرفتها لاتتردد في سؤال البايع
حتى يشرح لك لان التفاصيل مهمة

# الجهاز الجيد يبدأ سعره من 2500 ريال ويرتفع الى 9000 ريال